لما تتبدل خطاي واحلامي يطويهن زمن
ولمن ازرف دمعة حارة من جوة ماليها الحزن
وتتلاشى كل الامنيات والاغنيات واصبح غريبة بلا وطن
وتغيب نجوم كانن زمان في سمايا بيلمعن
واشتاق كتير انا للتراب وللجوة في الجوف اندفن
ولكل نسمة تهب تعطر لياليا البارحن
ولكل قطرة مطرة نازلة تخلي الجداول يخرخرن
لكل خضرة وكل زهور نساما هبة وفوحن
لكل شودي الروض من الصباح يغنن ويصدحن
انا للبلد مشتاقة لمن عيوني من بكايااتجرحن
برجع اكيد راجية الكريم انو القيود يتحلحلن
وتلوح بشارات في سماياو بايديهن يلوحن
وارفع كمان بشوق كبير ايدي ولعيوني يفرحن
واسمع اهازيج الفرح واطرب شديد وكمان احن
شوقي وحنيني سايقني ليك ولخطايا بيدفعن
مهرولات اقدامي ليك وفي التراب يتكتحن
واوصل واقالد كل زول بشوقي ليهو واحتضن
وامسك ايدين يا يمة ليك بلهفة ليهن اضمهن اقبلن
واسكب كمان دمعا غزير من عيون نسن يفرحن
واطلب عفوك وكمان رضاك يا ربي جود وعلي حن
حلما جميل بسر ح معاه كتير يا احلامي ما تتحققن
وارجع واعود انا للتراب وبرجع كمان كل البعيد عن الوطن
موضوع: حلـــــــــم 
السبت أبريل 19, 2008 7:53 pm