عصير وشاي الصباح

طبعا" كتيرين بحبوا شاى الصباح ساده وفى ناس بتحبو باللبن ..

وفى كلا الحالتين انا الضائع ....

ماعلينا ندخل فى المقادير ..

كفتيرة شاى ملانه مويه .. ويمكن للحناكيش استعمال البراد الكهربائى .. وماتنسوا تكبو فيهو المويه عشان مايعمله حريقه ...

نخلى المويه تغلى شديد .. وبعدين نجى نكب فيها الشاى ...
العكه وين .. فى كمية الشاى المفروض نكبها فى الكفتيرا .. يجب أن تكون هناك نسبة وتناسب وإلا باظت الشغله ..
الحناكيش .. يستعلموا شاى ليبتون .. ابوورق .. وفور فوران المويه فى الكفتريا .. تصب فى الترمسه .. ويضاف لها ثلاثه فقط من اكياس لبيتون الورقيه .. ماتقعدوا تتجننو وتقولو يآآآآآآآآآآآآآآآآآآآآآآى ثلاثه حبه ..

بعد ما الشاى يحل .. وكلمة يحل دى ماصعبه .. يوضع السكر والحليب اذا كان لبن بقرى او من فصيلة فورمست ونيدو ... فى الكبايه ويصب عليه الشاى بعد حللانه ... حلوه حللانه دى

يقدم فى صينيه فاخره مع اللقيمات أو البسكويت والبعض يفضله مع قريضة رغيفة بايت وفى حالة العدم طرقة كسره .. لزوم الواحد مايهوى وهو ماشى الشغل ....

كباية العصير ....

يتوقف عملها على تواجد الفاكهه .. فمرات عصير موز .. ومرات عصير برتقال .. ومرات تفاح .. ومرات عصير قصب سكر ... ومرات عصير فسيخ .. او ملاح باميه حسب المتوفر

الطريقه .. تقشر الفاكهه وتنظف .. ويشترط أن تكون يعنى مش روحها طلعت .. ولو انو مافى فاكهه بتبيت فى التلاجه .. الناس بتقول عشان لمن الكهرباء تقطع .. ماتبوظ خاصة التفاح ببوظ كل الفاكهه فى التلاجه ...

تقطع الفاكهه لشرائح صفيره عشان الخلاطه روحها مرقت من سحن الشمار والتوم والهبهان .. وكمان فى ملاحظه الايام الاخيره بقت تستعمل لسحن خشب الطلح .. عشان الدخان بقى بالمبخر الكهربائى

توضع الفاكهه فى التلاجه ويضاف اليها الماء .. ويفضل التلج المسحون او المدروش .. وتخلط جميعها ..

تصفى الخلطه بالمصفايه الحديديه بعد غلسها بجيف .. وصابون الغسيل اليدوى لوكس بالليمون ..

يوضع فى كباية شب .. ومرات فى الماق .. ويقدم على الريق ....

ودمتم فى حفظ الله ورعايته على امل أن نلتقى فى الحلقه القادمه من برنامجنا .. وفيها حانوريكم كيف تطبخو الفول .. وتتخينو العقول ..

شكرا" ومع السلامه ....

طرق خلوة وسهلة جدا ويسلمووووووووووووعالشاي والعصير

طؤيقه عجيبه لكن ياعسل

انا من ناحيتي ما بحب الشاي اصلا مدمنه قهوه وبس